Næringsutviklar for Vang

Erling har lang erfaring frå landbruk, reiseliv og besøksforvaltning, og samarbeider tett med næringsliv og kommune for å leggje til rette for utvikling og verdiskaping i Vang. Ved å ta kontakt med Erling kan du få råd, støtte og hjelp til å utvikle verksemda di, etablere ny næring eller finne fram i relevante ordningar og samarbeid. Mob:95 17 25 95

Fjellkommunen Vang

Vang er ei fjellkommune på grensa mellom aust og vest, og for mange av leigetakarane våre er det glade livet på fjellet minst halvparten av grunnen til at dei vil satse i Vang.

Vete meir om Vang?

Gründerbygda Vang

Blant dei høge tindane i Vang har det vore gründerar i alle tider. For å overleva her måtte naturen takast i bruk til fulle, fyrst og fremst som ei kjelde til mat - men etter kvart også som kjelde til reiseliv og opplevingar.

I fjellheimen vår finst spor etter folk som slo seg ned her lenge før vikingtida. Naturen gav alt dei trong, og Vang voks seg til ei stor bygd. På 1800-talet oppdaga reiselystne fjella våre, Turistforeininga bygde si fyrste hytte ved Tyin, og fjellhotella blømde.

I nyare tid har gründerar sett Vang på kartet igjen – ikkje minst med Vinjerock, som sidan 2006 har trekt tusenvis av festivalfolk til fjells. I 2025 står vi framleis for det ekte og urørte, med fjellopplevingar og rom for nye idear. Har du noko du vil skape her? Då vil vi gjerne høyre frå deg!